Si nostre vie est moins qu'une journée., Du Bellay

Si nostre vie est moins qu'une journée
En l'éternel, si l'an qui faict le tour
Chasse nos jours sans espoir de retour,
Si périssable est toute chose née,


Que songes-tu, mon âme emprisonnée?
Pourquoy te plaist l'obscur de nostre jour,
Si pour voler en un plus cler sejour,
Tu as au dos l'aile bien empanée?


Là, est le bien que tout esprit désire,
Là, le repos où tout le monde aspire,
Là, est l'amour, là, le plaisir encore.


Là, ô mon âme au plus hault ciel guidée!
Tu y pourras recongnoistre l'Idée
De la beauté, qu'en ce monde j'adore.


Joachim du Bellay, (L'Olive) (1522-1560)

Tableau de Constable.(1776-1837)
Autres poèmes du dimanche  : Celsmoon, Claudialucia, , Saphoo, Emmyne,  Lystig,, Yueyin,  Edelwe, 
 Bookworm,